40-2022(07-10-22)Thungabhadra Farm Advisory

కిసాన్ మిత్ర ఫోన్ రేడియో రైతు మిత్రులందరికీ స్వాగతం పలుకుతోంది.C. బెలగల్ మండలం లో రాగల ఐదు రోజులలో వాతావరణ సూచన. వర్షం 38 మిల్లీమీటర్ల దాకా పడవచ్చు . కనిష్ట ఉష్ణోగ్రత 20 డిగ్రీలు మరియు గరిష్ట ఉష్ణోగ్రత 30 డిగ్రీలు గా ఉండే అవకాశం వుంది. గాలిలో తేమశాతం 68% – 90% దాకా ఉండవచ్చు. గాలి గంటకి 8 కిలోమీటర్ల వేగంతో పడమర, దక్షిణ దిశగా వీయవచ్చు. కొండాపురం క్లస్టర్, ఈర్లదిన్నె రైతు K.భద్రయ్య వరి పొలంలో రసం పీల్చు పురుగులను గుర్తించి నివారణ కొరకు జిగురు అట్టలు పెట్టుకోవాలని అలాగే నీమాస్త్రం లేదా వావిలాకు కషాయం పిచ్చికారి చేసుకోవాలని తెలియజేయడం జరిగింది. ముడుమాల గ్రామం K. గిడ్డయ్య మిరప పంటలో తెల్ల దోమ, పచ్చ దోమ మరియు తామర పురుగులను గుర్తించి నివారణకు పసుపు, నీలం రంగు జిగురు అట్టలు పెట్టుకోవాలని మరియు ఆవుపేడ మూత్రం ఇంగువ ద్రావణం పిచికారి చేసుకోవాలని చెప్పడం జరిగింది. ముడుమాల గ్రామం M. రాముడు పత్తి పంటలో పేనుబంక, తామర పురుగులను గుర్తించి నివారణ కొరకు వేప నూనె పిచికారి చేసుకోవాలని మరియు జిగురు అట్టలు పెట్టుకోవాలని మరియు గులాబీ రంగు పురుగును గుర్తించి నివారణకు బ్రహ్మాస్త్రం పిచికారి చేయాలని, అలాగే గులాబీ రంగు పురుగుల ఉధృతి తెలుసుకోవడానికి ఒక ఎకరానికి 8 నుంచి 10 లింగాకర్షణ బుట్టలు పెట్టుకోవాలని తెలియజేయడం జరిగింది. కొండాపురం క్లస్టర్ లోని మొక్కజొన్న వేసే రైతులకు విత్తన శుద్ధి బీజామృతం లేదా ట్రైకోడెర్మావిరిడి తో చేసుకోవాలని తెలియజేయడం జరిగింది.తుంగభద్ర FPO ఆఫీస్ నందు 250 రూపాయలు విలువ చేసే జిగురు అట్టలు 100/- రూపాయలకు,45 రూపాయలు విలువ చేసే పత్తి,వేరుశనగ, వరి, మిరప పంటలకు కావలసిన లింగాకర్షక బుట్టలను 10/- రూపాయలకు, వేప నూనె ఒక లీటర్ 380/- రూపాయలకు,40 కిలోల వేప పిండి బస్తా 950/- రూపాయలకు, డబుల్ మోటార్ బ్యాటరీ స్ప్రేయర్స్ 3500/- రూపాయలకు అందుబాటులో ఉన్నాయి. కావలసినవారు సంప్రదించవలసిన ఫోన్ నెంబర్లు 9177427817 మరియు 9492761257. మరింత సమాచారం కోసం కొండాపురం మరియు ముడుమాల గ్రామంలో ఉన్న తుంగభద్ర సేంద్రియ రైతు ఉత్పత్తి దారుల సంఘం ఆఫీస్ నందు కలవండి. వ్యవసాయానికి సంబంధించి ఏమైనా సమస్యలు ఉంటే పరిష్కారం కొరకు CSA సంస్థ కిసాన్ మిత్ర కాల్ సెంటర్ 8500983300 నెంబర్ కు కాల్ చేయండి.